[Gost]
nitfakker ach 3milt w ach hmilt wa7di f my life
tchouf fi 3ini el charr laken au fond 9albi 5ayef
quand même 9albi 7ayy w dmou3i mouch kadhèbin
mazelet rou7 fi badni w imen w ta9wa w din
mazel el damm f 3rou9i , w ma klanich el doud
mazelt nemmin bel 5ir, w na3ref Rabbi fil wjoud
3malt barcha fsèd , 3affast fil blèd
kdhibt 3al s7abi w zeda sra9t mel 3bèd
n7ibb na3mel el sa77 , w Inchallah Rabbi y9addarni
7att s7i7 fi 9albi , wel imen msabbarni
nbattel el chrab, bnèt ellil, wel do55an
rani 5ayef min moulaya rani 5ayef mil 7ram
kèni 5ayef mel denya, rani mel è5ra mar3oub
Inchallah Rabbi yeghferli , ysame7ni ,w ntoub
w n3ich min jdid , 3mor jdid , w denya naf3a
na3raf Rabbi r7im w ra7emtou kbira w was3a
[Lassaad]
Ya Rabbi ya 3ali fi hal denya chouf 7ali
ach na7kilak ach nechkilak ach nebkilak ach min 7al zmèn
welli kèn a3azz ayèm haw lyoum bkollou hèn
5alli yfout elli yfout .. el mafroudh ellila nmout !
[Gost]
3al ne3ma tkabbart , w bel 5ir 9bal kfart
el ne3ma saret dam3a, hani 5sart w te9hart
lin 3raft hani sbart, siret noghzor l 9oddèm
netwakkel 3la Rabbi , w neghleb hal ayyem
ma fiha 7add dayem , ma fiha 7add malekha
ra7ou 3izz el ness chma5allè elli halekha
nhar fih nmout , nti7 ma5nou9 w nethadd !
5ayef la znèzè mta3i ma yemchi fiha 7add !
yedefnouni ta7t el trab , wa7ed mel aghrab
ma yra77am 7add 3lya , ma 3andich as7ab !
ma tjouz 3lya el ra7ma, ma yetfakkarni 7add fi kilma
hani kif ma bdit'ha , nhèyti hèhi dhalma !
massab mazelt sghir ! , wel ayyem t3oud l tèli
rani mchit f a7sèn tri9 , w mani nibki 3ala 7ali
laken ma yfid el ndamm , 7ali sar 3damm
5allihom hèk el lyèli , lyoum nibkihom damm!
[Lassaad]
Ya Rabbi ya 3ali fi hal denya chouf 7ali
ach na7kilak ach nechkilak ach nebkilak ach min 7al zmèn
welli kèn a3azz ayèm haw lyoum bkollou hèn
5alli yfout elli yfout .. el mafroudh ellila nmout
ya Rabbi 5oudh byeddi
rahi el dam3a jar7et 5addi
sama7ni ya Allah w ma t5allini
rahou galbi 5ayef mawjou3
denya ghadret biya twaja3t
da3wètek Yammi biha tchaja3t
hani rja3t ya Rabbi ehdini bnèdem mèlou lghir Rabbi rjou3
[Gost]
za3ma èni el fèssid , za3ma chnouwwa el mènè3 ?
5ater mansallich , w ma nimchich lil jame3
laken Rabbi ya3raf ach 3andi fi 9albi
wa7dou houwa y7assebni , houwa ya3lam bell m5obbi
houwwa elli nichkilou , houwwa elli nebkilou
houwa sob7anou bark elli nertè7 kif na7kilou
w sma3t da3wètik yammi , w dmou3ek jar7ouni
rani wallah tghayyart , w n7ebbkom tsam7ouni
nèdem , 5ayef , 7zin , wel wa7cha 9atletni
kèn jèt 3andi el 9odra rani fassa5thom min dhèkirti
hèkom tich el soghra , hèkom denya o5ra
Rabbi ysame7ni , w ya3tini forsa o5ra
nfassa5 fiha el madhi , nkaffer 3la dhnoubi
ymini fi sidri , ktèb 9or2èn fi maktoubi
ma yhemmni ghazret el nèss , twakkalt w b Rabbi
kabbart ighferli ya Rabbi , èni rani tghayyart !
[Lassaad]
Ya Rabbi ya 3ali fi hal denya chouf 7ali
ach na7kilak ach nechkilak ach nebkilak ach min 7al zmèn
welli kèn a3azz ayèm haw lyoum bkollou hèn
5alli yfout elli yfout .. el mafroudh ellila nmout !